2022廣東話剪片課程有啲咩？
無論你想成為Youtuber，或者想利用影片宣傳公司，甚至想成為Freelancer幫人剪片，剪片都係必學技能。好多新手學剪片都會用APP，但要剪出專業、高水準嘅影片，淨係用APP係唔足夠。而上網睇Youtube學剪片，雖然係免費學，但無人指導自己，有時有問題自己解決唔到就需要具經驗嘅人幫手。所以報讀剪片課程係幫到你學識專業剪片嘅最好途徑！
除咗剪片新手，有接觸過剪片但想提升剪接技能嘅話，都可以報讀剪片課程，令你嘅剪片技術更上一層樓，迎接更多工作機會！
專業影片編輯軟體 Adobe Premiere Pro 係熱門嘅剪片工具，坊間有好多Premiere Pro剪片課程，到底應該點揀好？以下將會整合相關5大Premiere Pro剪片課程。
Premiere Pro剪片課程介紹1：
點止學嘢 Adobe Premiere Pro 剪片課程
點止學嘢開設廣東話剪片速成班課程，幫助學員不論用 MacBook 定係 Windows 機，都可以用 Premiere Pro 剪出快、靚、正嘅片！課程會教授製作專業嘅商業宣傳廣告影片。課程內容包括學習香港 9 種最常用嘅商業影片、編排影片嘅故事性、挑選配樂、音效、過場、調色、字幕等實用技巧，更附有詳細筆記。
完成課程後，學員可以親手製作唔同類型嘅高水準商業宣傳片，減少宣傳成本嘅同時 ，又可以增加喺網上曝光嘅機會！
- 價錢：$1980
- 修讀時長：共 2 堂，每堂 3 小時
- 適合人士：新手Youtuber、有興趣進修或開展副業、市場推廣人員、對製作影片感興趣嘅人士
- 學習或課後支援：學員即時堂上一人一機實習，點止學嘢會提供電腦借用俾有需要嘅同學仔。仲有免費補堂，學員更可以喺課外時間用 Whatsapp 向導師查詢或者請教。
Premiere Pro剪片課程介紹2：
YPlus+創科教室Adobe Premiere 專業剪片課程
YPlus+ 嘅剪片課程教授學員 Adobe Premiere Pro CC 影片基本同進階剪輯技巧，處理影片、相片同字幕嘅技巧，影片視覺同動畫效果，後期影片色調處理，同埋聲效同配音效果應用。
但課程欠缺課後支援，課後有咩問題都難以得到即時解答。
- 價錢：$1100（會員）、$1130（非會員）
- 修讀時長：共 6 堂，每堂 2 小時
- 入讀資格： 15 歲以上，對電腦操作有基礎認識人士
- 資歷認可：完成課程可獲頒發出席證書
Premiere Pro剪片課程介紹3：
香港商業設計學院Premiere Pro 社交媒體影片剪輯證書課程
香港商業設計學院嘅剪片課程會教授學員掌握 Premiere Pro 基礎技巧同剪輯重點，例如過場技巧、音效編輯、字幕製作等。仲會教授學員製作社交媒體熱播短片、相片Slideshow、歌曲MV、生活同廣告短片等。
收費方面，雖然同一課程內容，但不同時段嘅收費都唔同，要記得留意啦！
- 價錢：$1780-$2400
- 修讀時長：共 5 堂，每堂 2.5 小時
- 入讀資格： 年滿 18 歲或以上並可進行基本電腦操作、具完成中三或以上程度/DSE畢業生/具工作經驗
- 資歷認可：完成課程可獲頒發出席證書
- 學習或課後支援：學員1人1機上堂、學院提供就業支援服務、三年教學影片重溫
Premiere Pro剪片課程介紹4：
天行凝方 Adobe Premiere Pro
天行凝方嘅剪片課程教學員了解同使用 Adobe Premiere Pro 嘅各項功能，學員會學識通過創建，編輯和微調等步驟製作影片。課程適合需要認識動態影像編輯嘅創意業界人士。
但呢個課程就比較唔適合新手，因為課程專為平面設計行業人士而設，更適合需要掌握基礎動態影像編輯、經驗豐富嘅用家。
- 價錢：$2800
- 修讀時長：共 12 小時
- 入讀資格：學員須對電腦嘅視窗操作系統有基本嘅認識
- 資歷認可：完成課程可考取 Adobe Premiere Pro Certified Associate 嘅專業資格
Premiere Pro剪片課程介紹5：
尚德教育 Adobe Premiere 專業剪片實戰課程
尚德教育嘅剪片課程教授學員透過專案管理、優化設定、視效音效處理、畫面運動控制、字幕設計等技巧，豐富生活短片，並增加短片嘅精彩度。學員喺完成課程後，可以學識點樣同客戶進行有效嘅拍攝溝通，並可以自行完成一段影片。
但呢個課程無提供證書等資歷認可，想要證書嘅同學就要留意喇！
- 價錢：$3000 （可用持續進修基金免費報讀）
- 修讀時長：共24小時
- 課程評核要求：出席率達70%以上，最後要獨自完成導師要求的件品
廣東話剪片課程推薦 2022
如果你想為自己公司製作商業宣傳片，吸引顧客，或者成為 Youtuber、剪片Freelancer，學識剪片都對你一生受用。而家你只需要一部手機，再加上 Adobe Premiere Pro 就可以令影片達到你想要嘅效果！
想要速成而且有效咁學識 Adobe Premiere Pro 專業剪片技巧，點止學嘢嘅 Adobe Premiere Pro 速成課程就好適合你，有啲咩問題都可以課堂上同課後直接發問，保證你一定學識，成為專業剪片師！
