點解你贏唔到錢?

【點解你贏唔到錢?】 – Andy Sir

炒股票的人經常是「贏粒糖、輸間廠」,最後都係放棄。
輸錢的確係一件好難令人接受的事,邊個想輸錢?輸一蚊都覺得肉痛。

當個市跌時,你唔願意走,因為唔想平倉realize 損從,於是等個市一路跌,你一直唔肯走,最後情願唔睇個市,讓本金大量損失。

反個來,當個市升時,你又急急腳咁平倉,賺到少少錢就自HIGH。之後個市急升又諗下追唔追、補唔補返D貨,好啦,諗左幾日,個市升完你先入衝入去接貨,又燒焦一件。

今次想講一個投資基本心法,Expected Value 期望值,希望可以改變一下大家對股票升跌的看法。

如果有人跟你對賭,搖骰仔估大小,買中 賠1倍 。你落注10次,每注100元,咁你估你最後會贏到幾多錢?

我地用一個簡單的統計方法去計:
贏錢買中大小的機率是0.5 ,你贏錢的Expected Value 就是0.5 x +100 = $50
輸錢的機率也是0.5,那你輸錢的Expected Value 就是0.5 x -100 = -$50
咁贏錢和輸錢的Expected Value 加起來 ($50 – $50)等於$0,即係話,如果你長期不停下注時,你每一次的平均輸贏就是$0,得個吉。

當然,如果你按以上的方法計算,你會發現,賭場話圍骰通殺,雖然出現圍骰的機率只有2.7%,但已足夠佢在長期而重複的營運中賺到大量的錢!

EV 中有2個元素,第一是成功的機率,第二是成功時得到的回報金額,我們如果能好好管理這2個元素,那麼,EV便會相應提高!

大部份的技術分析,都係會設定一個入場的位置及一個離場的位罝。我覺得無論是RSI 40 買入,還是RSI 45 買入,成功和失敗也是未知之數。我就當是一個隨機的結果,50%吧!

長期投資成敗的其中一個關鍵,其實在於你要好好控制每一局最多能輸的金額,而且,不要把贏的金額設上限。只要你好好管理這一點,你便可以增加長期在股票市場上贏錢的機會!

#程式交易 #自動化交易 #投資 #港股 #賺錢

  • algo trade
  • algo trading
  • multichart
  • 有紀律的投資者
  • 程式交易
  • 自動化交易
  • 香港股票
  • 往上行 Author

    曾任職地產代理,現轉行做IT人。 樓市通識Facebook https://www.facebook.com/besthomehongkong/

    發表回覆

    你的電郵地址並不會被公開。 必要欄位標記為 *